«Тауық пен балапандар» ойыны.

«Тауық пен

балапандар» ойыны.

Мақсаты: Балаларды

ойын шартымен таныстыру, ойынға деген ынталарын арттыру, қимыл –қозғалыстарын

дамыту, ұқыптылыққа тәрбиелеу.

Шарты:

Тәрбиеші мекиен тауықты, балалар балапандарды

бейнелейді. Бір бала (сәл үлкендеу) – мысық. Мысық шеттеу тұрған орындыққа

отырады. Тауық пен балапандар бөлмеде жүреді.

Тәрбиеші:                                                                                                                                

Ертіп сары балапандарын,

Айдарлы әсем шықты тауық.

«Кетпеңдер ұзап, балақандарым,

Қыт-қыт», - дейді ауық ауық.

Мысыққа жақындап келіп тәрбиеші былай дейді:

Тұрған жолдың бойында

Орындыққа бүк түсіп.

Не бар, қайдам, ойында

Жатыр ұйықтап бір мысық.

Мысық көзі ашады,

Балапандар қашады.

Мысық көзін ашады, мияулайды да бөлменің белгілі бұрышына, -

«үйіне», тауық-мамаға қашқан балапандарды қуа жөнеледі.

Тәрбиеші (тауық) қолын жан-жаққа бұлғап, балапандарын қорғайды да:

«Кет, мысық, балапандарымды саған бермеймін!», - дейді.

Ойын қайталанғанда, мысықтың рөлі басқа балаға тапсырылады.