05.11.19
Ересектер тобындағы ұйымдастырылған оқу қызметтінің конспектісі
Білім беру саласы: «Шығармашылық»
Пәні:Сурет салу
Тақырыбы: Қоржынды сәндеу
Тәрбиешілік :Балаларға түстерді ажырата білуге үйрету
Дамытушылық: Балалардың бейнелеу өнеріне деген сүйіспеншілігін арттыру
Оқыту: Ойлаған бейнелерін қағаз бетіне түсіру білу
Педагогикалық технология: Балаларға әр түстерге деген сезімдерін түсіндіру және үйрету
Ресурстармен қамтамасыз ету: Суреттер,сергіту сәтті
Көптілділік: қор
Ұйымдастырылған оқу қызметтінің барысы:
1.Ұйымдастырушылық кезеңі:
Балалардың назарын тақтадағы суреттерге аудару.
-Не көріп тұрғансыңдар ?
2.Негізгі бөлім:
Әңгімелесу.
- Балалар осы тұрмыстық заттардың көлемі қандай болады?
Қандай пішіндерге ұқсайды?
Қазақстан халқының сурет өнерімен танысумызды жалғастырамыз.
- Алдынға сабақтарда біз қоржынды салып үйрендік.
- Оны немен бездендірдік?
- Балаларға қоржынның суретін көрсету.
- Қоржынды немен безендірген?
- Қалай салған?
- Қазақ халқының көне тұрмыстық заттарын ою-өрнектермен безендіргенің айту.
Сергіту сәті:
Ал балалар тұрмайық
Ою өрнек сызайық
Қошқар мүйіз, тұмарша
Құстұмсық пен ирек су
Қолға қалам алайық
Әдемі, ою өрнек әлемі
Қылқаламды алайық
Ою өрнек салайық
- Балаларға қоржынның салу әдіс тәсілдерін көрсету,түсіндіру.
- Оны өрнекті элементтермен безендіреміз.
- Қоржынның суретін ауада салып көрсетеміз.
- Қылқаламды оң қолда ұстаймыз, керек түсті таңдап аламыз.
Қорытынды:
Көрме ұйымдастыру.
- Балалр қарандаршы кімнің суреті жақсы салыған?
Балаларды мадақтау.
05.11.19
Білім беру саласы: «Таным»
Ұйымдастырылған оқу іс-әрекет түрі: Қарапайым математикалық ұғымдарын қалыптастыру
Тақырыбы: «1-ден 10-ға дейінгі сандар. Геометриялық денелер: шар, куб, цилиндр. Пирамидамен таныстыру.»
Мақсаты: 10 мөлшерінде тура және кері санауды қайталау. Геометриялық дене пирамидамен таныстыру
Көрнекі құралдар: Кеспе цифрлар, санауға керекті таяқшалар, суреттер, жұмыс дәптері, қарындаштар, «Шалқан» ертегісінің кейіпкерлері, үйшіктің сызбасы (таяқшалардан).
Іс-әрекет кезеңдері |
Тәрбиешінің іс-әрекеті |
Балалардың іс-әрекеті |
Мотивациялық-қозғаушы |
Ұйымдастырылған оқу іс-әрекетімен таныстыру. -Балалар,біз математика оқу іс-әрекетінен не үйренеміз? Оқу іс-әрекетін өтілген сандарды балалардың естеріне түсіру үшін бірнеше сұрақтар беруден бастау. |
|
Ұйымдастыру-іздестіру |
-Балалар, өткен оқу іс-әрекетінде қандай сандармен таныстық? -Өтілген сандарды кім маған тура және кері санап береді? -Сандар неден құралады? (бірліктерден ). -«Көршісін тап» дидактикалық ойыны. М: сандардың реттік қатарын білуге үйрету. -Сандар қатарынан екі таңбалы санды тауып бер. Неліктен 10-ды екі таңбалы сан дейміз? Алдымыздағы қаламдарды пайдаланып,10 бірлікті көрсет. 1-ден 10-ға дейінгі сандарды салыстыру,есептер шығару. Суретпен жұмыс. -Балалар,суретте не бейнеленген? -Дұрыс айтасыңдар,геометриялық пішіндер. -Біз қандай геометриялық пішіндерді білеміз? -Жарайсыңдар,енді біз бүгін жаңа пішіндермен танысамыз. Міне,мына пішін-пирамида деп аталады. пирамида пішіні туралы жан-жақты түсінік беру . Осы пирамида пішініне ұқсас біздің қандай ойыншығымыз бар? . Сергіту сәті. «Жапалақтың биін қайтала.» Логикалық есептер шешу,амалдарды 1.Тал басында тізіліп, 10 жапырақ тұр еді. Жел тұрды да үзіліп, Ұшып кетті екеуі, Тұр әлі де ілініп, Жапырақтың нешеуі? (10-2=8) 2.Тал басына күнара, Қонушы еді бір ара. Бүгін тоғыз туысын, Ертіп келді бұл ара, Бүгін талда қанша ара? (1+9=10) |
|
Рефлексивті-түзетушілік |
«Өз орныңды тап» дидактикалық ойыны. М: Балалардың сандар қатарындағы орны,көрші сандар туралы білімдерін нақтылау. Қорытындылау. Мадақтау. |
|
Күтілетін нәтиже:
Не білуі керек: 1-ден 10-ға дейінгі сандарды тану, білу, құрамын, ретін, көрші сандарын таба білу.
Нені игереді: Пирамида,куб,цилиндр пішіндерін;
Не үйренді:Түрлі заттарды санайды, салыстырады,пішіндерді ажыратып атайды
05.11.19
Білім беру саласы: Шығармашылық
Ұйымдастырылған оқу іс- әрекетінің түрі: Жапсыру
Тақырыбы: «Теңіз асты патшалығы».
Мақсаты: Үйрету: балық туралы балалардың білімдерін жүйелеп тереңдету; әр түрлі табиғи материалдармен жұмыс жасауды үйрету; ірі бөлшектерді өзіне тән ұсақ бөлшектермен толықтыра отырып жапсыру дағдыларын қалыптастыру. Дамыту: шығармашылық қабілеттерін, қол бұлшық еттерін дамыту. Тәрбиелеу:қамқорлыққа, ұйымшылдыққа тәрбиелеу. Қажетті құрал – жабдықтар мен көрнекіліктер: көк түсті А3 қағаз, желім, қарындаш қалдықтары, ракушка, сулықтар, балықтар және балдырлар үлгілері. Алдын-ала жүргізілетін жұмыс: екі А3 қағазға аквариум суретін салу. Сөздік жұмыс: сазан, бекіре, мөңке, жайын. Билингвальды компонент: су-вода, балық - рыба.
Оқу іс-әрекетінің кезеңдері |
Тәрбиешінің іс-әрекеті |
Балалардың іс-әрекеті |
Мотивациялық- қозғаушы
|
Балалар,қазір жылдың қай мезгілі? -Күз мезгілінде неше ай бар? -Қәне айларды атаңдаршы? |
- Қазір жылдың күз мезгілі. – Күз мезгілінде үш ай бар. – Қыркүйек, қазан, қараша. - Үй жануарларды. - Сиыр, қой, тауық, ит, т.б.
– Сазан, бекіре, мөңке, жайын,-деп қайталайды. |
Іздену- ұйымдастырушы |
Тәрбиеші балалардың назарын үлестірмелі материалдағы «Теңіз асты патшалығы» сюжетті суретке аударуларын сұрайды. – Мына суретке қараңдаршы, не көріп тұрсыңдар?
- Теңіз астында ешнәрсе жоқ екен. Кәне, су асты бос болмас үшін ішіне балықтарды, ұлуды, ракушка және балдырларды жасап жіберейік. Билингвальды компонент: су-вода, балық - рыба. |
-Су астындағы балықтарды, ұлуды, тастарды және шөптерді көріп тұрмыз. Балалар қуана келіседі. Балалар «су-вода», «балық – рыба» сөздерін қайталайды. Балалар тапсырма бойынша жұмыс жасайды. |
Іздену- ұйымдастырушы |
-Суда жүзіп жүрген балықтарды көргендерің бар ма? - Хайуанаттар бағында болдыңдар ма? Хайуанаттар бағында жан-жануарлар, құстар, аңдардың және жәндіктердің түр-түрі бар. Адамдар барып оларды тамашалайды. Міне, сол жерде аквариумдарда неше түрлі балықтар бар. Онда неше түрлі балықтар мен теңіз жәндіктерін күтіп баптайды. Үйде кішігірім балықтары бар аквариумдар болады. – Балалар, кімнің үйінде аквариум бар? Сергіту сәті. Балық болып жүземіз, Шынығамыз суда біз! Шынықсақ біз бәріміз, Шымыр болып өсеміз! Дидактикалық ойын: «Түстерді балықтарға ретіне қарай орналастыр» Ойынның шарты: Балықтардың суреттері берілген. Қажетті түстерді балықтарға орналастыру.
Ұжымдық жұмыс: - Ендеше, теңіз асты патшалығына балықтарымызды, ұлуды, ракушканы, балдырларды орналастырайық. Осы кезде үнтаспадан сылдырлап аққан судың даусы естіледі. Тәрбиеші жұмыс барысында жекелеген балаларға көмектеседі. |
-Ия, көрдік. Балалар әртүрлі жауап береді.
Балалар тәрбиешінің көрсеткен сергіту жаттығуын орындайды.
Балалар ойынды қызыға ойнайды.
Балалар көк түсті қағазға қиып алған балықтарды, ұлуды, ракушканы және балдырларды жапсырады. |
Рефлексті- коррекциялаушы |
-Біз бүгінгі оқу іс-әрекетінен не білдік? Судың астында қандай жәндіктер тіршілік етеді екен? - Жасаған жұмыстарың ұнады ма? Қоштасу шеңбері: Ақ балық-ау,ақ балық, Үркек балық,сақ балық, Суды үнемдеп тазалап, Балықтарды сақталық. |
-Теңіз астында неше түрлі жәндіктер тіршілік ететінін білдік. Судың астында балықтар, әртүрлі шаяндар, ұлулар тіршілік етеді екен. – Ия, өте әдемі болды. Балалар шеңберге тұрып, өлеңді айтады. |
Күтілетін нәтиже:
жасайды: балықтарды, ұлуды, ракушканы, балдырларды;
түсінеді: сюжетті суретті ұжым болып жасауды;
қолданады: қиюдың таныс әдіс-тәсілдерін.